首页/岭南文化/广州仲有一条“中山九路”?

广州仲有一条“中山九路”?

2014-11-24来源: 花城网综合 作者: 六仔
\
(中山六路上仲有连片嘅骑楼街)
  广州中山路,从中山一到中山八,贯穿咗广州东西两边,系广州城内一条好重要嘅主干道。但系,你又知唔知,仲有一个地方被称为广州嘅“中山九路”?

  如果讲“广东四邑”,好多人都会知系边度,但其实,原来仲有“广州三邑”嘅讲法,呢“三邑”就系大家传统上中意简称嘅“南(海)番(禺)顺(德)”。呢三个地方历史上一直被视为不可分割嘅广府中心区域,当中“两邑”系属佛山,但从地理位置同血脉关系上讲,南海同广州(特别系芳村)就最亲密。

  明清时期,南海县县衙就系喺宜家嘅广州越秀区旧南海县大街,而讲到宜家,广佛虽然属两个唔同城市,但地理位置挨得好近,两市相距先得20公里,有二十几条公交钱同地铁相通,南海同芳村基本上系连成一片,南海更加有广州“中山九路”之称。

  由于距离近同交通方便,所以,喺楼市限购政策实施前,芳村人买南海房或者南海人买芳村房系好平常嘅事,逍遥自在享受“南海饮早茶,芳村去上班”呢种生活方式大有人在。而喺上个世纪九十年代,广州荔湾区旧城改造同起地铁,大批“西关人家”外迁,好多都选择咗去“中山九路”安居,所以,南海宜家住咗好多广州人。

  其实,喺宜家广州楼价居高不下、而且限购严格嘅情况下,广州人真系不妨考虑下去“中山九路”,一样可以安居乐业。
关注花城网微信公众号
随时随地了解广府文化大小事
标签:
部分图片素材来源于网络,其著作权归相应权利人所有。